Ágætu félagar.
Fyrir hönd stjórnar Wagnerfélagsins sendi ég ykkur bestu óskir um gleðileg jól og farsælt komandi ár. Við þökkum samfylgdina á undanförnum árum og hlökkum til skemmtiegra samverustunda á árinu 2022.
Dagskrá Bayreuthhátíðarinnar 2022 mun ekki liggja fyrir fyrr en í lok febrúar. Það og svo margt annað svífur á skýjum óvissunnar.
Þar sem ég velti fyrir mér hvaða tónlist Wagners væri mest viðeigandi í jólakveðjuna kom mér strax Parsifal í hug. Það fyrsta sem ég fann á youtube var forleikurinn að Parsifal, dásamlega myndskreyttur með íslensku landslagi! Getur þetta verið tilviljun?
Hér er linkurinn til að njóta:
https://www.youtube.com/watch?v=zzvcldLU6us
Þess má svo geta að Parsifal var frumfluttur í Metropolitanóperunni í New York á aðfangadag 1903 og hófst sýningin klukkan fimm. Með löngu hléi eftir fyrsta þátt stóð sýningin framundir miðnætti.
Stóra spurningin fyrir margar amerískar dömur var hvort hægt væri að mæta í síðkjól á sýningu, sem byrjaði klukkan 5. Sumar leystu þetta með að fara heim og skipta í hléinu.
Á meðfylgjandi link er skemmtileg frásögn úr skjalasafni Met. Sýningin var stórmál á sínum tíma þar sem Wagnerfjölskyldan hafði lagt blátt bann við sýningum á Parsifal utan Bayreuth.
Með bestu kveðjum,
Selma Guðmundsdóttir formaður RW félagsins
www.wagnerfelagid.is