Söngljóðasúpa í Norræna húsinu

Share on email
Share on facebook
Share on twitter
Share on linkedin
Share on whatsapp

Komið þið sæl á ný.

Guja Sandholt söngkona var svo væn að benda mér á þessa tónleikaröð. Mér er ánægja að vekja athygli ykkar á henni. Kannski verður framhald þegar líður á september.
En nú eru 2 m/s, hiti:13,4°, og tími kominn að njóta veðursins úti við.

Baldur

///////

Sæll Baldur,
Mér datt í hug að benda þér á nýja tónleikaröð í Norræna húsinu, Söngljóðasúpu, sem hóf göngu sína í síðustu viku. Hún er á vegum MATR, nýja kaffihússins í húsinu og unnin í samstarfi við Norræna húsið, Óperudaga og Sumarborgina.

Á fyrstu tónleikunum komu þær Hrafnhildur Árnadóttir og Ingileif Bryndís Þórsdóttir, píanóleikari, fram en á tónleikunum núna á þriðjudaginn, þann 25. ágúst munu Guðrún Jóhanna Ólafsdóttir, mezzó-sópran og Francisco Javier Jáuregui Narváez, gítarleikari, flytja Atlantshafssöngva; lög frá löndum sem liggja að Norður- og Suður-Atlantshafi.

Öllum tónleikagestum er boðið upp á ljúffenga súpu á MATR fyrir tónleikana en húsið er opið frá klukkan 18:00 og hægt að koma og fá sér súpu hvenær sem er áður en tónleikarnir hefjast klukkan 20:00.

Almennt miðaverð (súpa innifalin) er 3900 krónur en 3400 krónur fyrir eldri borgara, öryrkja og ungt fólk, 25 ára og yngra. Miðasala fer fram á kaffihúsinu en einnig er hægt að taka frá miða með því að senda tölvupóst á matr@matr.is
Við mælum með að fólk tryggi sér miða fyrirfram vegna afar takmarkaðs miðafjölda út af COVID-ástandinu.

Að sjálfsögðu er vel hugað að sóttvörnum og 2ja metra reglan í gildi hvarvetna í húsinu.

Frekari upplýsingar má finna á Facebook og í viðhenginu (https://www.facebook.com/events/906107336576887?acontext=%7B%22event_action_history%22%3A[%7B%22mechanism%22%3A%22search_results%22%2C%22surface%22%3A%22search%22%7D]%7D=

Þann 1. september munu svo þau Bjarni Thor Kristinsson, bassi, Lilja Guðmundsdóttir, sópran, og Eva Þyri Hilmarsdóttir píanóleikari koma fram.

Bestu kveðjur,
Guja Sandholt

 

Söngljóðasúpa er glæný tónleikaröð á vegum MATR, nýja kaffihússins í Norræna húsinu. Þjóðþekktir tónlistarmenn flytja…

Posted by Norræna húsið The Nordic House on Mánudagur, 17. ágúst 2020